උදා වන නව හිරුගෙ කිරණින් සුපින් බර බිම අලං කාරයි
එදා සිට රට දැයට හා ආගමට වූ උවදුරු හමාරයි
මෙදා ජය ධජ නැඟූ ගෝඨාභය මැතින්දා හරි උදාරයි
මුදා ගන්නට අපේ ලංකා මෑණි මින්මතු ඔබට බාරයි

කඳුරු ගංගා කොතෙක් බාධක එළඹුණත් මගහැර ගලනවා
අඳුරු බව දුරු කරන හිරු කැන් එකලෙසින් සැමටම ලැබෙනවා
සොඳුරු ලෙස සියපතේ පෙති එකිනෙක පිපී සුසුවඳ සදනවා
මැඳුරු පැල්පත්, ජාති, ආගම් භේද නැති රට ගොඩ නැඟෙනවා

නැකත පිළිවෙත, සිරිත ,දිරිසිත සුරැකගෙන ඔබ තැබූ පියවර
දියත පතළව හිඳින තිස්තුන් කෝටියක් දෙව් බලෙනි හැමවර
කියත හැකිවෙයි පස් වසක් නොව විනය ගරුකම ලෙසින් නිසියුර
නියත වම දිවි ඇති තුරා ඔබෙ බලය සුරැකෙයි මැතිඳ නිරතුර